भेट

दारावरची बेल वाजली

आणि ती लाजली

दार उघडताच दोघांची
नजरानजर झाली

कधी कुठे कसे विचारून झाले
त्यानंतर मोबाईल नंबर दिले घेतले गेले

गप्पांना नाही अंत उरला
आता निघायची वेळ झाली

ऑफीसात ती दोघे विचार करत बसली
इतक्या वर्षानंतर कशी काय भेट झाली?

मोबाइलवरचे नंबर खुणावते झाले दोघांना
मी का म्हणून आधी? विचार राहिला बाजूला

लॅपटॉपच्या स्क्रीनवर कामे सुरू झाली
आला का फोन? एक नजर खाली

मोबाईलचे आकडे फिरले दोन तीन वेळा
नेहमीच कसा एंगेज टोन आला नि गेला

थोडा वेळ गेला आणि वाजला रिंगटोने
आवाजात उठला दोघांच्या एकच हास्यकल्लोळ

मनात साठलेले बोलत ते राहिले
किती वेळ गेला भानच नाही उरले

Rohini Gore - 4th May, 2020