Thursday, February 02, 2012

२ फेब्रुवारी २०१२

काल लायब्ररीत जाऊन आल्यामुळे आज जायचे नव्हते, म्हणजे मी एक दिवसा आड बाहेर जाते, ते सुद्धा हवेवर व तब्येतीवर अवलंबून ठेवते, पण शक्यतोवर बाहेर पडते. काल सोनी चॅनलवर पाहिलेला पाकिजा व त्यातील गाणी आज मनात होती. झी मराठी आणि सोनीवर असलेल्या २-३ मालिका मी सध्या घरी असले तर दुपारच्या चहा घेताना पाहते. सकाळी मालिका पाहणे होत नाही. आज सारेगम असल्याने सकाळी ऑनलाईन झी मराठी पाहणे झाले. पूर्वी जी सारेगम झाली होती म्हणजे प्रसाद ओक, सुनील बर्वे आणि असेच काही कलाकार होते. त्यांची जास्त छान झाली होती सारेगम. आत्ताची जास्त छान वाटत नाहीये. ४० प्लस सारेगमचा शेवटचा सोहळा तर आम्ही चौघांनी मिळून खूपच एंजॉय केला होता. आम्ही दोघे व मित्रकुटुंबातील दोघेजण.









आज बिनसण्याचा वार होता बहुतेक. तसे खूप काही बिघडले नव्हते पण अगदी माझ्या मनासारखे झाले नाही की ते नेहमी बिघडल्यासारखेच असते. युट्युबवर गाणे रेकॉर्ड करताना मी नेहमी वेबकॅम मधून जे रेकॉरडिंग असते त्यातून करते. ते काही केल्या होत नव्हते. खरे तर पिसीवरच्या माईकमध्ये काही प्रॉब्लेम नव्हता. कदाचित युट्युबमध्येच असेल. दोन चार दिवसापासून काही गाणी मनात घोळत आहेत त्यापैकी एक डिजिटल कॅमवर रेकॉर्ड करून मग ते युट्युबवर अपलोड केले. हे खरे तर मी करत नाही. पूर्वी करायचे. अपलोडला खूप वेळ लागतो. २ ते ३ तास म्हणजे खूपच झाले. त्यात मी परवा बदामाची केलेली पावडर होती त्याच्या वड्या करायच्या ठरवल्या. त्यालाही वेळ लागला. एवढे करून वड्या पडल्याच नाहीत. परत तसाच गोळा एका डब्यात भरून ठेवला.









आज साबुदाणा भिजत घातला होता तो खिचडीसाठी. नेहमी नेहमी खिचडीच होते म्हणून आज साबुदाणे वडे केले पण तेही मनासारखे झाले नाहीत. या सर्वामध्ये दुपारचा चहा प्यायचा राहून गेला. तो नंतर केला तर तोही बिघडला. आज काय चालले आहे. काहिच धड होत नाही. आजकाल आमच्या अपार्टमेंटच्या मॅनेजर बाईंनी असा फतवा काढला आहे की बदकांना जर ब्रेड घालायचा असेल तर तो तळ्यावर जाऊनच घालायचा. अपार्टमेंटच्या समोर बदके दिसली तरी घालायचा नाही. बदकांना तर माझी इतकी सवय झाली आहे की दार उघडले आणि समोरच्या हिरवळीवर असतील तर लगेच चालत चालत येतात. पूर्वी तळ्यावर २ तास कसे निघून जायचे कळायचे नाही. सर्व बदकांमध्ये मला बसकी तपकिरी रंगाची बदके खूप आवडतात. तीच फक्त पूर्वी होती. आता तर खूपच झाली आहेत. ते पूर्वीचे दिवस खूप छान होते. आज थंडी अजिबात नसल्याने दार उघडे ठेवले होते. बदके सारखी येत होती. शेवटी न राहवून ब्रेड घेतला आणि तळ्यावर गेले. पण मला आवडणाऱ्या बदकांना ब्रेड जास्त मिळाला नाहीच. मला आवडणाऱ्या बदकांची संख्या कमी झाल्याने आता मी तळ्यावर ब्रेड घालायला जात नाही. अगदी क्वचित जाते.






अगदीच नाही म्हणायला त्यातल्या त्यात गाणे बऱ्यापैकी झाले आहे. प्रत्येक दिवस नाहीतरी वेगळाच असतो नाही का?

8 comments:

mau said...

तुला माहित्ये का रोहिणी..मागच्या आठवड्यात माझाही असाच एक दिवस वाईट्ट गेलेला..सकाळपासुन जी नन्ना लागली ती दिवसभर पुरली..संध्याकाळी मी लेकाला घेउन शेवटी बाहेर मॉल मध्ये फिरुन शॉपिंग करुन आली..बाहेरच जाउन खाउन पिउन रात्री ९-९.३० ला घरी आले..जातो एक एक दिवस असा..असो !!!
तु रेकॉर्ड केलेल गाण ऐकायला बरे वाटेल..लवकर टाक..

Anonymous said...

Rohini Tai, ase divas sarvaanchya vaatela yetat. Agdi tumhi mhantaay tasech tya divashi nehemicha chaha suddha bighadto! :) Ashya veli kaay karava suchat nahi...'asa kaa hotay aaj?' hya prashnala kahi uttar dekhil milat nahi.

Majhya Mr.'ana eka conference sathi Wilmington, NC la java lagnar ahe aikun majhe dole ekdum chamakle, te maala vicharu lagle ki 'Tula kasa mahit Wilmington? Tu itki khush jhaali ahes jasa ki tujhe natevahik rahatat tithe'. Me tyaana saangitle ki 'Ek khup chaan maitrin rahaychi tithe, ti rahat asti tar me tumcha barobar tila bhetayla nakki ale aste'.

- Priti

Anonymous said...

Opps! Me Clemson anhi Wilmington madhye confuse jhaale! :P
Ata check kela tar tumhi Wilmington madhyech ahat..pan ata jata yenar nahiye asa kallay, conference Mondaylach ahe so itkyaat nahi jamvu shaknar.

Pudhchya veli Wilmington madhye kahi asle tar me nakki yein. Maala tumhaala bhetaychi khup ichcha ahe, tumhaala mala bhetayla avdel na? Tumhi pan Chicago chi trip plan kelit tar blog var adhi nakki kalva.

- Priti

rohinivinayak said...

Uma,, mi record kelele gane youtube var takle aahe bagh,, ashi pakhare yeti :) fb var pan link dili aahe..hona ga,, kahi velela asa divas jato,, nehmi jamnarya goshtti pan bighadtat :)

priti,, are vaa tu chicago madhe aahes ka?? barr,,, hoga mala pan tula bhetayla nakkich aavdel,, aga tu face book var aahes ka,, tithe mala add kar ,, mi tula shodhte fb var.. pudhchya veli wilmington la aalis ki nakki ye ga! mi vaat pahin... mast vatle he vachun,, thanks a lott,,, Uma, Priti,, abhiprayabaddal anek dhanyawaad!

Anonymous said...

Nahi, me Facebook var nahiye. Nahitar mich tumhaala shodhun add kele aste.

- Priti

rohinivinayak said...

oh, okok,,, barr :)

rohinivinayak said...

priti,, mala ek sang tula maza blog kasa milala,,, google search madhe ka? nasel tar fb var ye,, mala hi tula baghaychi khup ichchhaa aahe...

Anonymous said...

:) Te me tumhaala bhetlyavar nakkkkki saangen!

- Priti